logo_with_taglinelogo_with_taglinelogo_with_taglinelogo_with_tagline
  • मुखपृष्ठ
  • मनोगत
  • कविता
    • भारत रत्न
    • सणावली
    • विचार
    • काव्यकथा
    • प्रेमकाव्य
    • बालकाव्य
    • वस्तुवाचक
    • व्यक्तिवाचक
    • स्थलवाचक
    • विज्ञान / तत्वज्ञान
    • भक्तिकाव्य
    • चारोळया
  • लेख
    • लघुकथा
    • लघुलेख
  • पुस्तके
  • अभिप्राय
  • संपर्क
आळस
मे 6, 2011
तारीख
नोव्हेंबर 4, 2011
षंढ
जुलै 16, 2011
“तुमच्या घरी सगळे सुखरूप आहेत ना? … बरं झालं … आम्हीही सगळे घरीच आहोत.” झालं … आपण मोकळे … टीवीवर दाखवली जाणारी रक्तरंजित दृश्य पाहायला … हतबल, मुर्दाड, ‘षंढ’!

दचकून जागा झालास होती मध्यरात्र बहुतेक
रस्त्यावरची कर्णकर्कश मिरवणूक ती एक
बाळ तुझे मग रडू लागले वैतागून तू गेलास
दूषणं दिली प्रशासनाला एक नाही अनेक

गेलास नंतर निमूटपणे अन् खिडकी केलीस बंद
स्वत:चीच फसगत करीशी तू असा कसा रे षंढ || १ ||

ऑफिसकरता काढलीस गाडी ट्रॅफिक जाम सारा
अपघात झाला होता तुझा चढत होता पारा
लोक धावत होते काही मदत करण्यासाठी
फुटपाथवरून गाडी काढून केलास तू पोबारा

ऐकूच आला नाही तुजला जखमींचा आक्रंद
स्वत:चीच फसगत करीशी तू असा कसा रे षंढ || २ ||

पत्नीसंगे फिरण्याकरता जाशी समुद्रावरती
गप्पा मारत बसल्या होत्या तेथे काही युवती
छेडत होते तेथे त्यांना काही मवाली गुंड
दिसलंच नाही तुला चालता वाढवलीस तू गती

तुझ्या मनातील पौरूष्यच जणू पडलं आहे थंड
स्वत:चीच फसगत करीशी तू असा कसा रे षंढ || ३ ||

पाणी जातं वीजही जाते पोलीस खाती पैसे
राजकारणी गबर असे ते ठाऊक आहे कैसे
रस्ते खणले नसतील तेव्हा मंडप त्यावर मोठे
अशीच चाले लोकशाही अन् उत्तर मिळते ऐसे

तरीही तुजला वाटत नाही करून उठावे बंड
स्वत:चीच फसगत करीशी तू असा कसा रे षंढ || ४ ||

आतंकाचा वणवा करतो स्फोटामागून स्फोट
किती उमलत्या आयुष्यांना पाजी विषाचे घोट
शरीरांचे विच्छिन्न भाग ते पाहून मनात रडसी
हात बांधूनी घेशी आणिक शिवून टाकसी ओठ

करतील कुणीतरी काहीतरी अन् देश राहील अखंड
स्वत:चीच फसगत करीशी तू असा कसा रे षंढ || ५ ||

एक सांगतो ऐकून मिळेल शांती तुझ्याही मना
तुझ्यासारखे असंख्य असती ज्यांना नाही कणा
कुटुंब आपुले सोडून त्यांना दिसतच नाही काही
पौरूष्याच्या व्याख्येची ते करतात विटंबना

अन्यायाच्या समोर संवेदनाच तुमच्या मंद
स्वत:चीच फसगत करीशी तू असा कसा रे षंढ || ६ ||

काही अभिप्राय

  • मकरंद दाते
    Brilliantly thought out!
    मकरंद दाते
    १५.०७.२०११
शेअर करा
52

आणखी असेच काही...

मार्च 26, 2023

मोकळा वेळ


पुढे वाचा...
जानेवारी 20, 2022

चांगलं तेवढं घ्यावं


पुढे वाचा...
डिसेंबर 19, 2021

थोडं आणखीन ..


पुढे वाचा...

प्रतिक्रिया व्यक्त करा उत्तर रद्द करा.

आपला ई-मेल अड्रेस प्रकाशित केला जाणार नाही. आवश्यक फील्डस् * मार्क केले आहेत

नविनतम लेखन

  • मोकळा वेळ मार्च 26, 2023
  • प्राक्तन मार्च 13, 2023
  • प्रेमाचा पाढा फेब्रुवारी 14, 2023

ताज्या प्रतिक्रिया

  • मे १५, २०२०

    संदीप दांडेकर commented on आई

  • मे ११, २०२०

    विशाल शिंदे commented on आई

टॅग्स

काव्यकथा काव्यगाथा प्रेमकाव्य बालकाव्य भक्तिकाव्य भारत रत्न रामायण लघुकथा लघुकथासंग्रह वस्तुवाचक वैचारिक कविता वैज्ञानिक / तात्वज्ञानिक कविता व्यक्तिवाचक कविता सणावली सामाजिक कादंबरी स्थलवाचक कविता
© २०१८-२१, नवनिर्मिती | संकेतस्थळ श्रेय - वेब वर्चुओसो