कित्ती दिवस झाले गेलात परत
तुमच्यावाचून आता नाही हो करमत
सांगायच्यात तुम्हाला बातम्या कितीतरी
बाप्पा लवकर या ना परत माझ्या घरी || १ ||
म्हणती आलाय तुमचा बर्थडे जवळ
वाट पहातेय किती निघत नाही कळ
पार्टी करू छान केक नसला तरी
बाप्पा लवकर या ना परत माझ्या घरी || २ ||
तुमचं येणं म्हणजे मज्जाच मोठ्ठी
मोदकांचं जेवण शाळेला सुट्टी
पाहूणे घरी वर्दळ भारी
बाप्पा लवकर या ना परत माझ्या घरी || ३ ||
सांगतात आहात मोठे तुम्ही देव
आशीर्वादा डोकं पायावर ठेव
कळत नाही त्यांना आपली मैतरी
बाप्पा लवकर या ना परत माझ्या घरी || ४ ||