मोठी माणसं पहा सारी नुसतीच मारतात गप्पा
प्रश्नांची ह्मा उत्तरं तुम्हीच द्या ना बाप्पा!
आंघोळ सूर्यदेवाला आहे का हो माफ?
पाणी घेतलं अंगावर तर नुसतीच होर्इल वाफ
गणपतीला कळतं कसं पेस्ट घ्यायची किती?
एवढे मोठे दात रोज होत असेल रिती
मला झोपवणं आर्इकरता गोष्ट नाही सोपी
रावण दहा डोक्यांनी कसा जार्इ झोपी?
मारूतीचं तोंड नेहमी हुप्प होतं असं
रागावला तर आर्इला समजत होतं कसं?
शंकराला नाद लागला वाचन करण्याचा
कसा मिळेल चष्मा त्याला तीन डोळ्यांचा?
ब्रह्मदेवास तीन डोकी एक मजला सांग
कसा पाडतो एवढ्या सगळ्या केसांचा तो भांग?