वळण आलं वाटेमध्ये सरळ जाणार नाहीस ना
तेव्हा माझा हात सोडून दूर जाणार नाहीस ना
कर्ता आहे मी ह्मा घरचा माझ्या इच्छा माझे निर्णय
छायेत माझ्या राहून तू कोमेजून जाणार नाहीस ना
माझ्याकरता नावसुद्धा आपलं मागे सोडून आलीस
माझं लाडकं तुझं ‘मी’पण विसरून जाणार नाहीस ना
मनाच्या ह्मा तारूकरता तुझं असणं दीपस्तंभ
परत येण्या निघालो तर विझून जाणार नाहीस ना
आव आणतो पौरूष्याचा तुला आधार देण्यासाठी
मला आधार लागेल तेव्हा खचून जाणार नाहीस ना
घराबाहेर पडलो असता मोहाची सारी दुनिया ती
प्रमाद माझे सारे सहन करत जाणार नाहीस ना