logo_with_taglinelogo_with_taglinelogo_with_taglinelogo_with_tagline
  • मुखपृष्ठ
  • मनोगत
  • कविता
    • विचार
    • काव्यकथा
    • प्रेमकाव्य
    • बालकाव्य
    • वस्तुवाचक
    • व्यक्तिवाचक
    • स्थलवाचक
    • विज्ञान / तत्वज्ञान
    • भक्तिकाव्य
    • चारोळया
  • लेख
    • लघुकथा
    • लघुलेख
  • पुस्तके
  • अभिप्राय
  • संपर्क
साबरमतीचा संत
ऑक्टोबर 2, 2018
गुपित
फेब्रुवारी 14, 2019
शेपटी
नोव्हेंबर 14, 2018
बालदिनाच्या मनापासून शुभेच्छा! १४ नोव्हेंबरचा दिवस आला की बालपण आठवतं. तेव्हा FB आणि WhatsAppवर संदेश येत नसले तरी बालविशेषांक घरी येत असत. किशोर, कुमार, चंपक, चांदोबा…. त्यातील गोष्टी, कविता, चित्रं, कोडी… त्या आठवणी ताज्या करणारं हे एक बालकाव्य ‘शेपटी’ माझ्या बालमित्रांसाठी आणि बालपणीच्या मित्रांसाठीही…

गोळा करूनी प्राणी सारे
माकड वनात भाषण ठोके
शस्त्र मानवाचे ते न्यारे
वापरतो तो आपुले डोके

मारूनिया बुद्धीची बढार्इ
पुढे बोलले माकड कपटी
फरक एवढा त्याला नाही
मला मात्र ही असे शेपटी ॥ १ ॥

प्राणी सारे लहान मोठे
ऐकून पडले तेथ विचारी
माणसास घाबरूनी होते
ओळख ज्याची महाशिकारी

माकड बोले काहीबाही
फुगवून आपुली छाती चपटी
फरक एवढा त्याला नाही
मला मात्र ही असे शेपटी ॥ २ ॥

पाहा निरखुनी मजकडे जरा
मानव जणू ऐसा मी दिसतो
सरस असे जरी माझा चेहरा
त्याच्यापरास काकणभर तो

उपटू शके मी हाती पायी
तयाप्रमाणे झाड रोपटी
फरक एवढा त्याला नाही
मला मात्र ही असे शेपटी ॥ ३ ॥

पाहा मला राजा बनवुनिया
वापरेन मी माझी बुद्धी
लावू माणसाला पळवुनिया
वनात येर्इल ह्या समृद्धी

माकड आपुले बोलत राही
प्राणी आपुल्या भीतीस जपती
फरक एवढा त्याला नाही
मला मात्र ही असे शेपटी ॥ ४ ॥

ऐकत सारे बोल कधीचा
बसला होता चतुर तो ससा
विचार करतो बदमाषाचा
डाव उघडकीस आणू मी कसा

भाषण ऐकत हळूच जार्इ
सुसरबार्इ त्या जेथ झोपती
फरक एवढा त्याला नाही
मला मात्र ही असे शेपटी ॥ ५ ॥

होर्इ बंद तो सशास बघता
जबडा मोठा आपोआप
होर्इ आवाज ससा निसटता
बंदुकीचा जणू ओढे चाप

वाक्य अधुरे तोंडी राही
माकड खार्इ अशी आपटी
फरक एवढा त्याला नाही
मला मात्र ही असे शेपटी ॥ ६ ॥

कपटी कपीची पाहून फजिती
प्राणी सारे हसू लागले
अंगावरती धावून जाती
भित्रे माकड पळू लागले

पळतानाही गाणे गार्इ
सावरताना आपुली धोपटी
फरक एवढा त्याला नाही
मला मात्र ही असे शेपटी ॥ ७ ॥

शेअर करा
6

आणखी असेच काही...

मार्च 21, 2021

कवीराज


पुढे वाचा...
फेब्रुवारी 14, 2021

ती भेटली परंतु ..


पुढे वाचा...
फेब्रुवारी 7, 2021

कूस


पुढे वाचा...

2 Comments

  1. Renuka varde म्हणतो आहे:
    नोव्हेंबर 14, 2018 येथे 7:46 PM

    वाह सुंदर विचार मांडले आहेत कवितेत

    उत्तर
    • संदीप दांडेकर म्हणतो आहे:
      डिसेंबर 12, 2018 येथे 12:37 PM

      धन्यवाद रेणू…

      उत्तर

प्रतिक्रिया व्यक्त करा उत्तर रद्द करा.

आपला ई-मेल अड्रेस प्रकाशित केला जाणार नाही. आवश्यक फील्डस् * मार्क केले आहेत

नविनतम लेखन

  • कवीराज मार्च 21, 2021
  • ती भेटली परंतु .. फेब्रुवारी 14, 2021
  • कूस फेब्रुवारी 7, 2021

ताज्या प्रतिक्रिया

  • मे १५, २०२०

    संदीप दांडेकर commented on आई

  • मे ११, २०२०

    विशाल शिंदे commented on आई

टॅग्स

काव्यकथा काव्यगाथा प्रेमकाव्य बालकाव्य भक्तिकाव्य लघुकथा लघुकथासंग्रह वस्तुवाचक वैचारिक कविता वैज्ञानिक / तात्वज्ञानिक कविता व्यक्तिवाचक कविता सामाजिक कादंबरी स्थलवाचक कविता
© २०१८-२१, नवनिर्मिती | संकेतस्थळ श्रेय - वेब वर्चुओसो