कुठे जंगल हे घनदाट
कुठे उजाड शहरी थाट
खेटून एकमेकात
हे दोन्ही देश माझे ||
कुठे पुरात बुडती गावे
कुणी पाण्याकरता धावे
कुणी कसे काय सांगावे
हे दोन्ही देश माझे ||
कुठे कांदा भाकर जाडी
कुणी मेजवानीही झोडी
हो अन्नााची नासाडी
हे दोन्ही देश माझे ||
जीव घेती साधे आजार
कुठे लाखांचे उपचार
औषधांसाठी लाचार
हे दोन्ही देश माझे ||
कुणा शिक्षण पदव्युत्तर
कुणी अंगठा बहाद्दर
तरी जगणेच समांतर
हे दोन्ही देश माझे ||
कुणी कमवती कोटी कोटी
कुणा नोकरीही न छोटी
दरी वाढत जार्इ मोठी
हे दोन्ही देश माझे ||
कुठे टोलेजंग महाल
कुठे झोपडीतले हाल
वसे एकत्रच भवताल
हे दोन्ही देश माझे ||