काल माझ्या घरी आल्या मैत्रिणी चिकार
खूप पसारा केला आणि झाल्या मग पसार
आवर पसारा म्हंटलं म्हणजे येतो मजला शीण
आमच्या घरी आहे आर्इ नावाचं मशीन || १ ||
सतत सुरू असते घरी माझी फर्मार्इश
आज चिकन बनव उद्या बनव स्वीटडीश
परवा बनव आइसक्रीम मग काय हवं आणखीन
आमच्या घरी आहे आर्इ नावाचं मशीन || २ ||
रविवारी रात्री काम आठवतं येतं मजला रडू
क्राफ्टचं सामान सापडत नाही कुठे जाऊन दडू
सकाळी उठून बघते बॅगेत कागद कात्री पिन
आमच्या घरी आहे आर्इ नावाचं मशीन || ३ ||
अभ्यासाच्याकरता मला तीच जवळ लागते
आजारी मी पडले तर ती रात्रभर जागते
रोज रात्री सांगते मजला गोष्टी नवीन नवीन
आमच्या घरी आहे आर्इ नावाचं मशीन || ४ ||
मला नेहमी ताजं देऊन शिळं स्वत: खाते
घरची कामं कमी म्हणून का बाहेर पण ती जाते
बाबा म्हणतात तिच्याशिवाय घर चालणं रे कठीण
आमच्या घरी आहे आर्इ नावाचं मशीन || ५ ||