उजव्याच हाती खावे
डावीकडून जावे
तुमचे हे उजवे डावे
नाही मला समजले ॥ १ ॥
अक्षरे शब्द होती
वाक्येही त्यांची होती
पण अर्थ काय पोटी
नाही मला समजले ॥ २ ॥
अक्षरे थोडी ऐसी
अक्षरे थोडी तैसी
कथतील भाव कैसी
नाही मला समजले ॥ ३ ॥
एक आणि एक दोन
त्रिकोण पंचकोन
हे सर्व ठरवी कोण
नाही मला समजले ॥ ४ ॥
चित्रांमध्येच हसतो
स्वप्नांमध्येच वसतो
अभ्यास काय असतो
नाही मला समजले ॥ ५ ॥
2 Comments
खूप मार्मिक….
तो राजहंस एक…. पण ओळखला आला तर….
अप्रतिम रचना…
धन्यवाद योगिनी..