सणावली
नूतन वर्षारंभाची ती गुढी पाहा रोवली
सहस्रकांची संस्कृती भारतवर्षाची सावली
भाग्य आपुले थोर लाभते समृद्ध सणावली
प्रत्येक ऋतूमध्ये ऐसा सण होई साजरा ॥
गुढीपाडवा
जेव्हा येते चैत्राच्या महिन्यात शुद्ध प्रतिपदा
विजय होई सत्याचा जाती टळून साऱ्या विपदा
गुढी नवीन वर्षाची दावी भावी सुखसंपदा
गुढीपाडव्याचा सण होतो त्या दिवशी साजरा ॥ १.१ ॥
ब्रह्मदेव ज्या दिवशी करतो समयाची सुरूवात
रावणास हरवून परतला अवधेचा सम्राट
शालिवाहनांनी अन् केली शकांच्यावरी मात
गुढीपाडव्याचा सण होतो त्या दिवशी साजरा ॥ १ ॥
यूट्यूब – https://youtu.be/EqipUBxIFvI
रामनवमी
चैत्र मास पहिल्या पक्षातील आली असता नवमी
श्रीरामाच्या जन्माची सर्वांस मिळे बातमी
अत्याचाऱ्यांच्या नि:पाताची जगताला हमी
असा रामनवमीचा होतो सण तेव्हा साजरा ॥ २ ॥
यूट्यूब – https://youtu.be/Q6IKhKuaQ0g
महावीर जयंती
सत्य अहिंसा ब्रह्मचर्य अपरिग्रह अस्तेय
राजमहाला त्यागून ठेवी ‘केवल ज्ञान’च ध्येय
षड्रिपूंवरी विजय मिळवूनी राहिला जो अजेय
महावीर स्मरण्यास जयंती सण होई साजरा ॥ ३ ॥
यूट्यूब – https://youtu.be/Cwhl-blGsek
2 Comments
आपणास साष्टांग दंडवत आपण असेच आम्हास समृद्ध करत राहाल ही अपेक्षा
(अगदी दंडवत नको पण) अशा प्रतिक्रियांमुळे हुरूप येतो. मनःपूर्वक आभार…