logo_with_taglinelogo_with_taglinelogo_with_taglinelogo_with_tagline
  • मुखपृष्ठ
  • मनोगत
  • कविता
    • भारत रत्न
    • सणावली
    • विचार
    • काव्यकथा
    • प्रेमकाव्य
    • बालकाव्य
    • वस्तुवाचक
    • व्यक्तिवाचक
    • स्थलवाचक
    • विज्ञान / तत्वज्ञान
    • भक्तिकाव्य
    • चारोळया
  • लेख
    • लघुकथा
    • लघुलेख
  • पुस्तके
  • अभिप्राय
  • संपर्क
दान
ऑगस्ट 13, 2019
हा नाही अहंकार
सप्टेंबर 28, 2019
समज
सप्टेंबर 5, 2019
राष्ट्रीय शिक्षक दिनाच्या सर्वांना शुभेच्छा! हल्लीच्या आण्विक कुटुंबसंस्थेत मुलं मनाने हळवी होत चालली आहेत. काही मुलं इतरांपेक्षा निराळी असतात. त्यांना सर्वसामान्य परिमाणं लावणं चुकीचं ठरू शकतं. अशा मुलांची मानसिक जडणघडण समजून घेऊन त्यांच्याशी संवेदनशीलने वागणं हे आजच्या पालकांप्रमाणेच शिक्षकांकरताही आव्हान ठरत आहे…

ही कविता यूट्यूबवर https://youtu.be/ipST9UKV9Ro ह्या ठिकाणी ऐकता येईल.

उजव्याच हाती खावे
डावीकडून जावे
तुमचे हे उजवे डावे
नाही मला समजले ॥ १ ॥

अक्षरे शब्द होती
वाक्येही त्यांची होती
पण अर्थ काय पोटी
नाही मला समजले ॥ २ ॥

अक्षरे थोडी ऐसी
अक्षरे थोडी तैसी
कथतील भाव कैसी
नाही मला समजले ॥ ३ ॥

एक आणि एक दोन
त्रिकोण पंचकोन
हे सर्व ठरवी कोण
नाही मला समजले ॥ ४ ॥

चित्रांमध्येच हसतो
स्वप्नांमध्येच वसतो
अभ्यास काय असतो
नाही मला समजले ॥ ५ ॥

शाळेत आणि घरचे
मज ताडती कधीचे
हसणे कसे चुकीचे
नाही मला समजले ॥ ६ ॥

शाळेत नाही मित्र
घरचेही तेच चित्र
हे वागणे विचित्र
नाही मला समजले ॥ ७ ॥

माशांसवे तरावे
पक्ष्यांसवे उडावे
वर्गात का बसावे
नाही मला समजले ॥ ८ ॥

माझ्यात नाही व्यंग
नाहीच मी अपंग
अलबेले माझे रंग
नाही तुला समजले ॥ ९ ॥

शेअर करा
8

आणखी असेच काही...

मार्च 26, 2023

मोकळा वेळ


पुढे वाचा...
मार्च 13, 2023

प्राक्तन


पुढे वाचा...
फेब्रुवारी 14, 2023

प्रेमाचा पाढा


पुढे वाचा...

2 Comments

  1. Yogini Karpe म्हणतो आहे:
    सप्टेंबर 5, 2019 येथे 11:17 AM

    खूप मार्मिक….
    तो राजहंस एक…. पण ओळखला आला तर….
    अप्रतिम रचना…

    उत्तर
    • संदीप दांडेकर म्हणतो आहे:
      सप्टेंबर 6, 2019 येथे 9:18 AM

      धन्यवाद योगिनी..

      उत्तर

प्रतिक्रिया व्यक्त करा उत्तर रद्द करा.

आपला ई-मेल अड्रेस प्रकाशित केला जाणार नाही. आवश्यक फील्डस् * मार्क केले आहेत

नविनतम लेखन

  • मोकळा वेळ मार्च 26, 2023
  • प्राक्तन मार्च 13, 2023
  • प्रेमाचा पाढा फेब्रुवारी 14, 2023

ताज्या प्रतिक्रिया

  • मे १५, २०२०

    संदीप दांडेकर commented on आई

  • मे ११, २०२०

    विशाल शिंदे commented on आई

टॅग्स

काव्यकथा काव्यगाथा प्रेमकाव्य बालकाव्य भक्तिकाव्य भारत रत्न रामायण लघुकथा लघुकथासंग्रह वस्तुवाचक वैचारिक कविता वैज्ञानिक / तात्वज्ञानिक कविता व्यक्तिवाचक कविता सणावली सामाजिक कादंबरी स्थलवाचक कविता
© २०१८-२१, नवनिर्मिती | संकेतस्थळ श्रेय - वेब वर्चुओसो