विसरू कसा मी माझ्या ताब्यात रात्र नव्हती
ती भेटली परंतु नशिबात मात्र नव्हती ॥
होतो लहान धाडस करण्यास नाही जमले
शिक्षिका होती माझी शाळेत छात्र नव्हती ॥
स्वप्नात घडली माझ्या अवतरली कॉलेजात
तिज सांगू इतुकी शक्ती मम काळजात नव्हती ॥
सहकर्मी वाट पाहे मी फक्त बोलण्याची
बोलेल शब्द ऐसी जिव्हा मुखात नव्हती ॥
खिडकीत त्या समोरील माझ्या मनीचे भाव
दावेल ऐसी खिडकी माझ्या घरात नव्हती ॥
एकीचे मुख उघडता वाचाच गेली माझी
भाषा तिची कळावी माझ्यात बात नव्हती ॥