विमानतळावर घोषणेची पाहत बसलो होतो वाट
बरीच विमानं लेट होती गर्दी झाली होती दाट
बोलणं गदारोळात त्यांचं बसलो होतो ऐकत
आवाज आला मला कुणीतरी होतं छद्मी हसत || १ ||
समोरची ती वयस्क बार्इ सांगत होती नवर्याला
किती दिसांनी भेटेल आता आपला मुलगा आपल्याला
इतके दिवस तिकडे राहिला कसा असेल तो दिसत
आवाज आला मला कुणीतरी होतं छद्मी हसत || २ ||
वेटिंगरूमच्या फोनवरती लागला एकजण ओरडायला
पोहोचतोच आहे थोड्या वेळात पाहून घेतो तुम्हाला
पैसे तयार ठेवा नाहीतर नाही तुम्ही वाचत
आवाज आला मला कुणीतरी होतं छद्मी हसत || ३ ||
नवविवाहित जोडपं एक थोडं बसलं होतं दूर
कुजबुजला तो कानात तर ती बोलली लाजून चूर चूर
तिथे पोहोचेपर्यंत तुजला धीर नाही का निघत
आवाज आला मला कुणीतरी होतं छद्मी हसत || ४ ||
मागे बसले होते दोघे फोन एकाचा वाजला
मुलगी झाली ओरडला तो अक्षरश: नाचला
म्हणे चाललो मी तर घरी टूर गेली उडत
ह्मा वेळी मात्र कुणीही नव्हतं छद्मी हसत || ५ ||