मार्च 8, 2020
आंतरराष्ट्रीय महिलादिनाच्या मनःपूर्वक शुभेच्छा! हा दिवस गेली एकशे दहा वर्षं साजरा केला जात आहे. एकशे दहा वर्षांत बरंच काही बदललं आहे... पण आपल्या पुरुषप्रधान संकृतीत – मुख्यतः समाजाच्या मानसिकतेत - आणखीन बरंच काही बदलण्याची गरज आहे. पुढल्या एकशे दहा वर्षांत तरी ते बदलेल का?! आदिमानव गुहेत होते केला होता जाळ ‘ती’ आणि 'तो' आणि सोबत होतं छोटं त्यांचं बाळ गुहेबाहेर गुरगुर ऐकून दोघं झाले सावध दबा धरूनिया बसलं होतं तेथे एक श्वापद बघती दोघे एकमेकांस मनातूनी घाबरले अपत्य बघता भीती गिळूनी सज्ज तरी ते झाले उचलून घेई ती बाळाला कवटाळे उराशी उचलून पलिता आगीचा तो झेपावे दाराशी नव्हता तोही वरचढ आणि नव्हती तीही अबला प्राक्तनामध्ये लिहिला होता प्रसंग त्यांच्या सगळा त्याच दिवशी पण ठरून गेली सामाजिक वहिवाट तो चालवितो बाह्यप्रपंच ती घराच्या आत ममतेपायी सहन करत ती राहीली मानहानी स्त्रीजन्माची सुरूच आहे अजून करूण कहाणी ॥
