जुलै 20, 2012
मी आणि माझा एक भारतभेटीस आलेला परदेशस्थित मित्र गप्पा मारत उभे होतो. काही वेळाने त्याचा अस्वस्थपणा माझ्या लक्षात आला. आमच्या शेजारीच एक आठ-नऊ वर्षांचा मुलगा आशाळभूतपणे भिक मागत उभा होता. खरं तर तो आम्हा दोघांपासून सारख्याच अंतरावर उभा होता पण मला तो दिसलाच नव्हता. म्हणजे दिसला होता ... पण त्याचं असणं मला जाणवलंच नव्हतं. भारतातील आणि विशेषतः मुंबईसारख्या महानगरातील इतरही मध्यमवर्गीय नागरिकांना माझ्यासारखीच निवडक दृष्टीची दैवी देणगी प्राप्त झाली आहे का?
हॉटेलाची सारखी वारी
कपडेलत्तेसुद्धा माझे भारी
समोरचा जर्जर भिकारी
मला कधीच दिसला नाही
निवडक आहे माझी दृष्टी
दिसतात फक्त छान गोष्टी
दृष्टीआडची कुरूप ती सृष्टी
मला कधीच दिसली नाही
