इतिहासाने घालून दिलेली पृथ्वीवरील वेस आहे
श्वासाइतकं सत्य आहे भारत माझा देश आहे ॥
भिन्न धर्म जात पंथ असती प्रत्येकाचे अपुले अपुले
तरीही सारे बंधू, भगिनीच – भारत शब्दच श्लेष आहे ॥
जननी जन्मभूमिश्च स्वर्गादपि गरीयसी म्हणतो
प्रेम आहे ह्या देशावरती हाच तो संदेश आहे ॥
विविध वर्ण विविध भाषा आणि सणही नटले वैविध्याने
अभिमान समृद्ध परंपरेचा वेगवेगळा जरी वेष आहे ॥
पालक गुरुजन वडिलधारे ह्यांचा मान ठेवीन नक्की
प्रत्येकाशी सौजन्याने वागेन हा शिरसावंद्य आदेश आहे ॥