The mind is essentially a collection of thoughts generated by our brain. While most animals possess a brain and perhaps their own version of a mind, only humans have developed the unique ability to reflect on their minds in a detached way. As early humans evolved from nomadic forest dwellers into more organized societies, they had to interact with an increasing number of fellow humans. This required them to think beyond the basic animalistic instincts of fight, flight, food, and mating. The complexity of the human mind grew exponentially, leading humans to contemplate the nature of their own consciousness. In their quest to master external forces of nature, humans also recognized the need to understand and control this internal force of nature—the mind. Over millennia, every civilization has proposed its own theories to achieve this understanding. However, the mind remains an enigma, its echoes almost impossible to decipher as one explores its intricate maze.

This is a collection of short stories trying to explore the mind’s maze…


‘Echoes’
प्रकार: कथासंग्रह
स्वरूप: Kindle ई-पुस्तक
प्रकाशक: नवनिर्मिती.इन
पृष्ठसंख्या: १४९ 
कमाल किंमत: ₹ २०० /-

आपल्या मेंदूत येणारे विचार म्हणजेच आपलं मन. मेंदू बहुतेक सर्व प्राण्यांना असतो. त्यांना मनही असावं. मात्र ह्या मनाचा त्रयस्थपणे विचार करण्याची कुवत केवळ एकाच प्राण्याला प्राप्त झाली, तो म्हणजे मानव. आधी जंगलामध्ये टोळ्यांमध्ये राहणारा मानव संघटीत होऊ लागला. त्याचा संबंध अधिकाधिक मानवांशी येऊ लागला. आक्रमण, पलायन, भक्ष्य किंवा मैथुन ह्या चार मुलभूत प्रतिक्रियांपलीकडे जाऊन त्याला विचार करणं भाग पडू लागलं. मनाची गुंतागुंत वाढत गेली आणि मग मानव एक दिवस त्या मनाबद्दल विचार करू लागला. बाह्यसृष्टीवर ताबा मिळवतानाच त्याला मन ह्या अंतर्सृष्टीवरही विजय मिळवण्याची गरज भासू लागली. गेल्या अनेक सहस्राकांत प्रत्येक सुसंकृत समाजात त्याकरता अनेक सिद्धांत मांडले गेले. पण मन असं आहे की ... त्याचं तंत्रच न्यारं आहे!

ह्या मनाच्या खेळांवर आधारित काही लघुकथांचा हा एक संग्रह आहे..


‘मन’
प्रकार: कथासंग्रह
स्वरूप: Kindle ई-पुस्तक
प्रकाशक: नवनिर्मिती.इन
पृष्ठसंख्या: १३७ 
कमाल किंमत: ₹ २०० /-

सुलतानी लोभीपणामुळे आलेल्या आसमानी संकटात पृथ्वीवरील संपूर्ण जीवसृष्टी आणि विशेषतः मानवजात विनाशाच्या उंबरठ्यावर येऊन ठाकली. मात्र अंगभूत जिजीविषेमुळे जीवसृष्टी तगली आणि त्याबरोबर मागे राहिलेल्या मूठभर मानवांनी पुढील काही सहस्राकांत पुन्हा एकदा संपूर्ण पृथ्वी पादाक्रांत केली. सुरुवातीला फळं-कंदमुळं आणि शिकारीवर उदरनिर्वाह करणारा तो मानवही पुढे शेती करायला शिकला आणि भटक्याचं आयुष्य त्यागून वस्ती करून राहू लागला. आलेल्या स्थैर्याबरोबर समाजाच्या कक्षा विस्तारू लागल्या. कला, क्रीडा, संकृती, युद्धं आली... धर्म आला! वेगवेगळ्या समाजांमध्ये संघर्ष आला. जेत्यांचा धर्म पराजितांच्या गळी उतरवला जाऊ लागला. लहान राज्यं जाऊन मोठे देश आले आणि त्यातील एका देशाने संपूर्ण जगभर आपल्या फांद्या पसरल्या. त्यांच्या पूर्वजांनी उपलब्ध माहितीवर विसंबून नैसर्गिक घडामोडींचा जो काही अर्थ लावला होता तो त्यांच्या धार्मिक आस्थांचं रूप घेऊन सर्वदूर पसरला. मानव बुद्धिमान तर होताच. त्यामुळे त्या मानवाचीही वैज्ञानिक प्रगती झाली. शोध लागले, तंत्रज्ञान विकसित होऊ लागलं. इतके दिवस धर्माची मक्तेदारी असलेल्या प्रश्नांना विज्ञानामुळे काही वेगळीच उत्तरं मिळू लागली. संघर्षाची ठिणगी पडली आणि लवकरच धर्म आणि विज्ञानातून विस्तवही जाईनासा झाला. त्या भविष्यातील माणसाचा हा इतिहास आहे.

‘विस्तव’
प्रकार: कादंबरी
स्वरूप: Kindle ई-पुस्तक
प्रकाशक: नवनिर्मिती.इन
पृष्ठसंख्या: ६३०
कमाल किंमत: ₹ २५०/-

'मी एक मध्यमवर्गीय आहे. माझ्या आजूबाजूलाही सर्वच जण मध्यमवर्गीय आहेत. मध्यमवर्गीयांच्या एका प्रचंड मोठ्या कळपाचा मी एक हिस्सा आहे. पण हा ‘मध्यमवर्गीय’ नावाचा प्राणी नक्की आहे तरी कसा? त्याचे गुणधर्म काय आहेत? त्याला काय आवडतं? तो कशाला घाबरतो? तो आपलं आयुष्य कसं जगतो? तो आयुष्याची इतिकर्तव्यता कशात मानतो? अशा अनेक प्रश्नाचा छडा लावायचा हा एक माफक प्रयत्न. मध्यमवर्गीय असणं हा काही गुन्हा नाही. त्यामुळे ‘अन्वेषण’ ह्या शब्दामुळे गांगरून जाऊ नका. कविता म्हटलं की दर वेळी काहीतरी भव्यदिव्य किंवा शब्दांच्या पलीकडलं असलं पाहिजे असा काही नियम नाही. तेव्हा ही आहे तुमची-आमची एक गाथा... दैनंदिन अनुभवांवर आधारित.

मध्यमवर्गीय
प्रकार: कवितासंग्रह
स्वरूप: ई-पुस्तक
प्रकाशक: नवनिर्मिती.इन
पृष्ठसंख्या: १५२
कमाल किंमत: ₹ ९९/-