आपल्या मेंदूत येणारे विचार म्हणजेच आपलं मन. मेंदू बहुतेक सर्व प्राण्यांना असतो. त्यांना मनही असावं. मात्र ह्या मनाचा त्रयस्थपणे विचार करण्याची कुवत केवळ एकाच प्राण्याला प्राप्त झाली, तो म्हणजे मानव. आधी जंगलामध्ये टोळ्यांमध्ये राहणारा मानव संघटीत होऊ लागला. त्याचा संबंध अधिकाधिक मानवांशी येऊ लागला. आक्रमण, पलायन, भक्ष्य किंवा मैथुन ह्या चार मुलभूत प्रतिक्रियांपलीकडे जाऊन त्याला विचार करणं भाग पडू लागलं. मनाची गुंतागुंत वाढत गेली आणि मग मानव एक दिवस त्या मनाबद्दल विचार करू लागला. बाह्यसृष्टीवर ताबा मिळवतानाच त्याला मन ह्या अंतर्सृष्टीवरही विजय मिळवण्याची गरज भासू लागली. गेल्या अनेक सहस्राकांत प्रत्येक सुसंकृत समाजात त्याकरता अनेक सिद्धांत मांडले गेले. पण मन असं आहे की ... त्याचं तंत्रच न्यारं आहे! ह्या मनाच्या खेळांवर आधारित काही लघुकथांचा हा एक संग्रह आहे..