logo_with_taglinelogo_with_taglinelogo_with_taglinelogo_with_tagline
  • मुखपृष्ठ
  • मनोगत
  • कविता
    • भारत रत्न
    • सणावली
    • विचार
    • काव्यकथा
    • प्रेमकाव्य
    • बालकाव्य
    • वस्तुवाचक
    • व्यक्तिवाचक
    • स्थलवाचक
    • विज्ञान / तत्वज्ञान
    • भक्तिकाव्य
    • चारोळया
  • लेख
    • लघुकथा
    • लघुलेख
  • पुस्तके
  • अभिप्राय
  • संपर्क
संशयी ससा
एप्रिल 17, 2015
गुलज़ारजी
ऑगस्ट 19, 2016
राग
नोव्हेंबर 6, 2015
आपल्या आयुष्यात आपला एखादा मित्र, मैत्रीण किंवा आप्त आपल्यावर रागावतो, रुसतो. अनेकदा ही गोष्ट आपल्या बरीच उशिरा लक्षात येते. आपण समजूत काढण्याचा, मन वळवण्याचा प्रयत्न करतो पण ती व्यक्ती बधत नाही. त्या व्यक्तीचं आपल्या आयुष्यात असणं किती महत्वाचं आहे हा विचार एकतर्फी तर नाही ना अशी शंका आपल्या मनात येऊ लागते. मन उदास होऊ लागतं . . .

ही कविता यूट्यूबवर https://youtu.be/ZEpH1FsUp0o ह्या ठिकाणी ऐकता येईल.

माझी काही चूक असेल तर ती सुधारायची संधी तरी होती का?
इतकी कशी रागावलीस
आपल्यात इतकी मैत्री तरी होती का? || धृ ||

काहीतरी खुपत होतं विचार केला दिवस दोन
खरंच खूप दिवसांत तुझा आला नाही साधा फोन
शेवटी कधी बोललो ते आता नक्की आठवत नाही
पण आता वाटतंय तेव्हा आपल्यांत जरूर बिनसलं होतं काही
तेव्हापासूनच बहुदा आपलं बोलणं बंद झालंय
उशिराने असेल पण आता माझ्या लक्षात आलंय
त्या दिवशीच्या माझ्या बोलण्याला इतकी धार तरी होती का?
इतकी कशी रागावलीस
आपल्यात इतकी मैत्री तरी होती का? || १ ||

रोज बोलू असे काही आपल्याकडे फारसे नव्हते विषय
तरी अधूनमधून तुझ्याशी बोलण्याची मला लागली होती सवय
तुझं ऑफिस माझं ऑफिस तुझं घर माझं घर
कधी एखादं पुस्तक एखादा सिनेमा एवढंच बोलायचो फार तर
माझं बोलणं एवढं महत्वाचं वाटत होतं तुला
ह्याचीच मुळात थोडीही जाणीव नव्हती मला
माझ्या बोलण्याला एवढी किंमत तरी होती का?
इतकी कशी रागावलीस
आपल्यात इतकी मैत्री तरी होती का? || २ ||

मैत्रीत एकमेकांवर रागवायचं ह्यात काही वावगं नसतं
खरं तर मैत्रीत हक्काने एकमेकांवर रागवायचं असतं
एवढी तरी मैत्री वाढू द्यायचीस की हा हक्क मिळेल
मी माझं अंतर राखून होतो की तुला काय वाटेल
तुला दुखावण्यामागे माझा काय असू शकतो स्वार्थ
त्यामुळे तुझ्या रागावण्याचा मला समजतच नाहीये अर्थ
अबोल्याचं टोक गाठण्याची गरज तरी होती का?
इतकी कशी रागावलीस
आपल्यात इतकी मैत्री तरी होती का? || ३ ||

मी बोलण्याचा प्रयत्न केला तरी मला देत नाहीस प्रतिसाद
जणू काही घोर घडला माझ्या हातून एखादा प्रमाद
तुझ्या आयुष्यात माझी माझ्या आयुष्यात तुझी फारशी नव्हती दखल
तरी ह्या अबोल्याने मनाच्या कोपर्‍यात कुठे तरी राहिला आहे सल
तुलाही असंच वाटतंय, की हे आहेत माझ्याच मनाचे खेळ?
तुझ्याकडे कदाचित माझा विचार करायलाही नसेल वेळ
असं असेल तर बोलून दाखवायला काही आडकाठी तरी होती का?
इतकी कशी रागावलीस
आपल्यात इतकी मैत्री तरी होती का? || ४ ||

माझी काही चूक असेल तर ती सुधारायची संधी तरी होती का?
इतकी कशी रागावलीस
आपल्यात इतकी मैत्री तरी होती का? || धृ ||

शेअर करा
56

आणखी असेच काही...

मार्च 8, 2022

पुरुषप्रश्न


पुढे वाचा...
ऑगस्ट 1, 2021

जेवण


पुढे वाचा...
मार्च 21, 2021

कवीराज


पुढे वाचा...

प्रतिक्रिया व्यक्त करा उत्तर रद्द करा.

आपला ई-मेल अड्रेस प्रकाशित केला जाणार नाही. आवश्यक फील्डस् * मार्क केले आहेत

नविनतम लेखन

  • मोकळा वेळ मार्च 26, 2023
  • प्राक्तन मार्च 13, 2023
  • प्रेमाचा पाढा फेब्रुवारी 14, 2023

ताज्या प्रतिक्रिया

  • मे १५, २०२०

    संदीप दांडेकर commented on आई

  • मे ११, २०२०

    विशाल शिंदे commented on आई

टॅग्स

काव्यकथा काव्यगाथा प्रेमकाव्य बालकाव्य भक्तिकाव्य भारत रत्न रामायण लघुकथा लघुकथासंग्रह वस्तुवाचक वैचारिक कविता वैज्ञानिक / तात्वज्ञानिक कविता व्यक्तिवाचक कविता सणावली सामाजिक कादंबरी स्थलवाचक कविता
© २०१८-२१, नवनिर्मिती | संकेतस्थळ श्रेय - वेब वर्चुओसो