वर्षं झाली तेरा अब्ज आणि सत्तर कोटी
इतक्या पूर्वीपासून सॄष्टी अस्तित्वात होती
केवळ दोन लक्ष वर्षांपूर्वी अवतरलास
आहे तुझी कारकीर्द ह्मा भूतलावर छोटी

फार पूर्वी सुटला आहे समयाचा तो बाण
भानावर ये माणसा आहेस नगण्य किती ते जाण || १ ||

अब्ज अब्ज मंडलांपैकी आकाशगंगा एक
त्यातल्या अब्जो ताऱ्यांपैकी सूर्य आपला एक
सूर्याच्याही तीन लक्षांश आहे पॄथ्वी ग्रह
त्या ग्रहाच्या विस्तारावर केवळ कण तू एक

सॄष्टीच्या आकारापुढती कस्पट तुझे प्रमाण
भानावर ये माणसा आहेस नगण्य किती ते जाण || २ ||

पॄथ्वीच्या इतिहासामध्ये असंख्य प्राणीजाती
अव्याहत ते जैविक चक्र सतत येती जाती
तुझ्यानंतर अजून कोणी आलं नाही नवीन
तुझ्याआधीच्या कित्येकांची होऊन गेली माती

विश्वाच्या वटवॄक्षावरचं शेंडेफळ तू लहान
भानावर ये माणसा आहेस नगण्य किती ते जाण || ३ ||

विज्ञानाची गाठली आहेस तुझ्या मते परिसीमा
पुराव्यास ती दिसती नागासाकी हिरोशिमा
एका ज्वालामुखीत ताकद असते सहस्रपट
धूमकेतूची टक्कर नष्ट करेल यशाची गरिमा

निसर्गाला देशी आव्हान आणून उसनं अवसान
भानावर ये माणसा आहेस नगण्य किती ते जाण || ४ ||

विज्ञानाच्या यशामुळे तुज चढला रे उन्माद
खेळ खेळता निसर्गाशी होशील पण तू बाद
तू गेलास तर जगताला ह्मा फरक पडणार नाही
नुकसान होर्इल तुझंच ह्मावर करू नको तू वाद

तुझ्याबरोबर संपून जार्इल सारं ते विज्ञान
भानावर ये माणसा आहेस नगण्य किती ते जाण || ५ ||

सॄष्टीच्या अपत्यांपैकी सर्वात लाडका तू
पण तरीही बनलायस सॄष्टीकरता मोठा धोका तू
अर्थ लावण्या सॄष्टीचा ह्मा निवड झाली रे तुझी
होशील जगज्जेता ठेवशील संयम जर का तू

सॄष्टीच्या ह्मा विश्वासाचा ठेव जरासा मान
भानावर ये माणसा आहेस नगण्य किती ते जाण || ६ ||