व्यसन नावाच्या सापळ्यात मोह
मांसाचा तो तुकडा
सुटणं कठीण असतं जर
पाय पडला वाकडा || १ ||

व्यसन नावाच्या सापळ्यायाचं
मायावी ते रूप
लक्षात येतं तेव्हा उशीर
झाला असतो खूप || २ ||

व्यसन नावाच्या सापळ्याचे
असतात खूप प्रकार
बाहेरख्यालीपणापासून
सिगरेट दारू जुगार || ३ ||

व्यसन असतं झोपण्याचं अन्
व्यसन खात राहण्याचं
व्यसन असतं बोलण्याचं अन्
व्यसन धन कमावण्याचं || ४ ||

व्यसन टीवी बघण्याला
म्हणणार नाही कोण
टीवी बंद झाला तरीही
हाती असतो फोन || ५ ||

व्यसन कॉम्प्युटरचं असलं
तहान नाही भूक
माणसं झाली बेटं
कारण नाती झाली मूक || ६ ||

व्यसन चांगलं कोणतं आणि
कोणतं व्यसन वार्इट
हे ठरवायचे अधिकार बघा
तुम्हा आम्हा नाहीत || ७ ||

व्यसन कशास म्हणायचं ते
ठरवतो हा समाज
उघड करण्या असल्या गोष्टी
मग वाटते लाज || ८ ||

व्यसन असंही असू शकतं
समाजास जे मान्य
सापळाच असतो तोही एक
नसतं काही अन्य || ९ ||

व्यसन असतं काही जणांना
करत रहातात मदत
त्यांच्याशिवाय समाजाची
वार्इट होर्इल गत || १० ||

व्यसन म्हणा त्याला ज्याने
अपाय स्वत:ला होतो
व्यसन म्हणा त्याला ज्याने
त्रास दुजाला होतो || ११ ||

व्यसन नसतं ते जे
मनास आनंद देतं
व्यसन नसतं ते जे
दुसर्‍यास मदत करतं || १२ ||

व्यसन देतं नशा
जी असते मनातली
दारूत नशा असती तर
नाचेल की बाटली || १३ ||

व्यसन मला लागलंय
कविता लिहीत असतो
जास्त त्रास देत नाही
आता आटोपतो || १४ ||