दिसतो जसा चित्रपटातील नट
त्याच्या गोर्‍या भाळी उतरलेली वात्रट
बोटाने मागे सारावी ती बट
असं मुलींना कधीच वाटत नाही का? || १ ||

समोरच्या खिडकीकडे माझं सारं लक्ष
तो उभा असतो खात कधी सफरचंद कधी द्राक्ष
टाकेल का इथे एखादा कटाक्ष
असं मुलींना कधीच वाटत नाही का? || २ ||

कधी असंच त्याने माझ्या घरी यावं
गालात हसत मला काहीतरी विचारावं
मी अबोधपणे त्याच्या सहवासातच हरवावं
असं मुलींना कधीच वाटत नाही का? || ३ ||

बसमध्ये चढताना तो दिसावा
बाकी कुठेही बसण्यास वाव नसावा
माझ्या शेजारीच येऊन बसावा
असं मुलींना कधीच वाटत नाही का? || ४ ||

कॉलेजला जायची त्याची माझी एकच वाट
वाटेत मध्येच झाडी घनदाट
दचकून त्याने मध्येच धरावा माझा हात
असं मुलींना कधीच वाटत नाही का? || ५ ||

एकटा घरी जात असावा तो पावसाळी रात्री
त्याच्याकडे नाही पण माझ्याकडे असावी छत्री
चिंब त्याची काया धुंद माझ्या गात्री
असं मुलींना कधीच वाटत नाही का? || ६ ||

सांगायचंय मला काही त्याच्या कानात
रोज जातो ह्माच वाटेने दुकानात
आज गाठीन त्याला नक्की आडरानात
असं मुलींना कधीच वाटत नाही का? || ७ ||

खुरट्या दाढीने भरलेले त्याचे गाल
मस्त मर्दानी त्याची रूबाबदार चाल
काय साला मस्त आहे माल
असं मुलींना कधीच वाटत नाही का? || ८ ||

दोघांना असतं एकमेकांचं वेड
मग वात्रटपणाची करण्याकरता सव्याज परतफेड
आपणही काढावी मुलांची छेड
असं मुलींना कधीच वाटत नाही का? || ९ ||