आजूबाजूला पाहा तुम्हाला लगेच दिसून येर्इल
शरीराचा एक हिस्सा झाला आहे मोबाईल || धॄ ||

घरून सकाळी निघताना विचार करावा लागतो
पाकिट विसरून चालतं पण मोबाईल लागतो
दूधवाला, पेपरवाला, डाॅक्टर असो की वकील
शरीराचा एक हिस्सा झाला आहे मोबाईल || १ ||

गावी जातानाही चालेल तिकिट विसरलात तर
पहा घेतला आहे ना नक्की आपला चार्जर
अनुपस्थितीत तुमच्या जणू पॄथ्वी बुडून जार्इल
शरीराचा एक हिस्सा झाला आहे मोबाईल || २ ||

मोठे मोठे फोननंबर असत तोंडपाठ
घरचा नंबर आठवताना आता लागते वाट
वाटलं नव्हतं मेंदूमधली जागा खाल्ली जार्इल
शरीराचा एक हिस्सा झाला आहे मोबाईल || ३ ||

आधी तिच्याशी मैत्रीचे जुळवावयास धागे
कोपऱ्यावरती तासंतास उभं राहावं लागे
आता एसेमेसनेच दिलं घेतलं जातं दिल
शरीराचा एक हिस्सा झाला आहे मोबाईल || ४ ||

आधी बघायचे छत्तीसपैकी गुण किती जुळतात
आता मात्र मोबाइलचं नेटवर्क तपासतात
लग्नानंतर तेवढाच एक खर्च कमी होर्इल
शरीराचा एक हिस्सा झाला आहे मोबाईल || ५ ||

एक कुटंबं सहा फोन परिस्थिती ती बिकट
स्कीम आहे घरच्यांबरोबर बोलणं आहे फुकट
डोळे होतात पांढरे जेव्हा येतं मासिक बिल
शरीराचा एक हिस्सा झाला आहे मोबाइल || ६ ||

फोन तोच घड्याळ तोच कॅमेराही तोच
कॅल्क्युलेटर तोच आणि संगणकही तोच
काही दिवसांत देवाचीही जागा तोच घेर्इल
शरीराचा एक हिस्सा झाला आहे मोबाईल || ७ ||

समजण्यास मरणानंतर काय वाटते जगा
एक दिवस मोबार्इल बंद ठेवून बघा
तुम्ही राहाल तिथेच आणि जग पुढे जार्इल
शरीराचा एक हिस्सा झाला आहे मोबाईल || ८ ||

आजूबाजूला पहा तुम्हाला लगेच दिसून येर्इल
शरीराचा एक हिस्सा झाला आहे मोबाईल || धॄ ||