logo_with_taglinelogo_with_taglinelogo_with_taglinelogo_with_tagline
  • मुखपृष्ठ
  • मनोगत
  • कविता
    • भारत रत्न
    • सणावली
    • विचार
    • काव्यकथा
    • प्रेमकाव्य
    • बालकाव्य
    • वस्तुवाचक
    • व्यक्तिवाचक
    • स्थलवाचक
    • विज्ञान / तत्वज्ञान
    • भक्तिकाव्य
    • चारोळया
  • लेख
    • लघुकथा
    • लघुलेख
  • पुस्तके
  • अभिप्राय
  • संपर्क
मोबाईल फोन
फेब्रुवारी 4, 2011
पहिली गाडी
फेब्रुवारी 4, 2011
मध्यमवर्गीयांमध्ये दोन ठळक उपवर्ग आहेत – एक ज्यांच्याकडे गाडी नाही तो आणि दुसरा अर्थातच ज्यांच्याकडे आहे तो. टीवी, फ्रीज, फोन आता सगळ्यांकडे असतात. पण गाडीचं तसं नाही. गाडी असणं म्हणजे श्रीमंतीच्या वाटेवरचं पहिलं पाऊल. पहिल्या उपवर्गाची दुसऱ्यात जाण्याकरता नेहेमीच धडपड सुरु असते. आणि मग जेव्हा पहिली गाडी घरी येते तेव्हा त्या गाडीचं अप्रूप पुढे आयुष्यभर वाटत राहिलं नाही तरच नवल.

मेहनत करण्याचा तेव्हा
भलताच होता जोश
तरूणार्इ पण अशीच असते
माझा नव्हता दोष

नोकरी होती चांगली
त्याला लग्नाचीही जोड
प्रमोशन मिळालं आणि
बातमी आली गोड

अजूनसुद्धा आठवली तर तिच्यावर मी भाळतो
माझी पहिली वहिली गाडी गोंडस छान आल्टो || १ ||

पहिल्या दिवशी बसलो त्यात
वाटलं एकदम खास
अजून नाकात दरवळतोय
तो सीट कवरचा वास

वाटत होतं माझ्याकडेच
बघतात माणसं सारी
गाडी नव्हती होती ती जणू
हत्तीची अंबारी

विहरत होतो असा जसा मी ढगांवरच चालतो
माझी पहिली वहिली गाडी गोंडस छान आल्टो || २ ||

गाडीवाले आपल्या देशात
नशीबवान ते थोडे
आयुष्यभर बाकी सारे
झिजवत रहाती जोडे

ट्रेनमधली गर्दी आता
इतिहासजमा झाली
किती नशीबवान मी ही
समज मजला आली

आता फार क्वचितच मी रस्त्यावरती चालतो
माझी पहिली वहिली गाडी गोंडस छान आल्टो || ३ ||

पहिला चरा पडला त्यावर
घासून गेली बस
अन्न पाणी बेचव झालं
आठवतोय दिवस

नंतरसुद्धा बरेच झाले
आघात तिच्यावर
पण पहिला चरा पडला होता
माझ्या काळजावर

अजून शिव्या ड्रायवरच्या त्या नावाने मी घालतो
माझी पहिली वहिली गाडी गोंडस छान आल्टो || ४ ||

सुखरूप नेहमी नेलं घडलं
नाही काही अघटित
खूप आठवणी तिच्यासंगे
आहेत माझ्या निगडीत

शिकवताना बायकोशी
भांडण झालं होतं
अन् गाडीतूनच घरी आमचं
बाळ आलं होतं

तिच्याबद्दल वार्इट काही ऐकायचं मी टाळतो
माझी पहिली वहिली गाडी गोंडस छान आल्टो || ५ ||

कधी कधी ती गाडी माझी
रागावलेली दिसते
प्रेम कमी जर केलं तर ती
रूसूनसुद्धा बसते

दाखवते सर्विसिंगनंतर
आनंदी चेतना
आपल्यासारख्या आहेत पहा
तिजलाही भावना

आजारी जर पडली ती तर अजून मी गलबलतो
माझी पहिली वहिली गाडी गोंडस छान आल्टो || ६ ||

पहिली गाडी आल्यानंतर
प्रगती माझी झाली
हुद्दा झाला मोठा आणखीन
मोठी गाडी आली

जुनी झाली गाडी सगळे
सांगतात टाक विकून
पहिली गाडी इथेच राहील
सांगतो त्यांना निक्षून

अजूनही दर वर्षी तिचा वाढदिवस मी पाळतो
माझी पहिली वहिली गाडी गोंडस छान आल्टो || ७ ||

शेअर करा
3

आणखी असेच काही...

जुलै 7, 2018

चॉकलेट


पुढे वाचा...
एप्रिल 23, 2018

पुस्तक


पुढे वाचा...
ऑक्टोबर 7, 2016

पिवळे पडलेले फोटो


पुढे वाचा...

प्रतिक्रिया व्यक्त करा उत्तर रद्द करा.

आपला ई-मेल अड्रेस प्रकाशित केला जाणार नाही. आवश्यक फील्डस् * मार्क केले आहेत

नविनतम लेखन

  • मोकळा वेळ मार्च 26, 2023
  • प्राक्तन मार्च 13, 2023
  • प्रेमाचा पाढा फेब्रुवारी 14, 2023

ताज्या प्रतिक्रिया

  • मे १५, २०२०

    संदीप दांडेकर commented on आई

  • मे ११, २०२०

    विशाल शिंदे commented on आई

टॅग्स

काव्यकथा काव्यगाथा प्रेमकाव्य बालकाव्य भक्तिकाव्य भारत रत्न रामायण लघुकथा लघुकथासंग्रह वस्तुवाचक वैचारिक कविता वैज्ञानिक / तात्वज्ञानिक कविता व्यक्तिवाचक कविता सणावली सामाजिक कादंबरी स्थलवाचक कविता
© २०१८-२१, नवनिर्मिती | संकेतस्थळ श्रेय - वेब वर्चुओसो