घेरून येती शंका
वाजे निराश डंका
करण्यास सह्म डंखा
हरीचरण शरण जावे || १ ||

खुंटे मनी विचार
भासे आयुष्य भार
कोणीच ना आधार
हरीचरण शरण जावे || २ ||

उपचार ह्मा तनास
येतील का गुणास
ठाऊक ना कुणास
हरीचरण शरण जावे || ३ ||

आयुष्य कार्यमग्न
होर्इल ध्यान भग्न
कार्यात येर्इ विघ्न
हरीचरण शरण जावे || ४ ||

विघ्ने करूनी मात
आनंद जीवनात
शांती असे मनात
हरीचरण शरण जावे || ५ ||

ठेवू नकोस किंतु
मोही नकोस गुंतू
वाहून सर्व तंतू
हरीचरण शरण जावे || ६ ||

दिवसाही आणि राती
ऋतू सर्व येत जाती
विसरून समयनाती
हरीचरण शरण जावे || ७ ||

घालू नयेत वाद
प्रितीस द्यावी साद
हरीस्मरण करित नाद
हरीचरण शरण जावे || ८ ||