कित्ती दिवस झाले गेलात परत
तुमच्यावाचून आता नाही हो करमत
सांगायच्यात तुम्हाला बातम्या कितीतरी
बाप्पा लवकर या ना परत माझ्या घरी || १ ||

म्हणती आलाय तुमचा बर्थडे जवळ
वाट पहातेय किती निघत नाही कळ
पार्टी करू छान केक नसला तरी
बाप्पा लवकर या ना परत माझ्या घरी || २ ||

तुमचं येणं म्हणजे मज्जाच मोठ्ठी
मोदकांचं जेवण शाळेला सुट्टी
पाहूणे घरी वर्दळ भारी
बाप्पा लवकर या ना परत माझ्या घरी || ३ ||

सांगतात आहात मोठे तुम्ही देव
आशीर्वादा डोकं पायावर ठेव
कळत नाही त्यांना आपली मैतरी
बाप्पा लवकर या ना परत माझ्या घरी || ४ ||

कित्ती दिवस झाले गेलात परत
तुमच्यावाचून आता नाही हो करमत
सांगायच्यात तुम्हाला बातम्या कितीतरी
बाप्पा लवकर या ना परत माझ्या घरी || १ ||

म्हणती आलाय तुमचा बर्थडे जवळ
वाट पहातेय किती निघत नाही कळ
पार्टी करू छान केक नसला तरी
बाप्पा लवकर या ना परत माझ्या घरी || २ ||

तुमचं येणं म्हणजे मज्जाच मोठी
मोदकांचं जेवण शाळेला सुट्टी
पाहूणे घरी वर्दळ भारी
बाप्पा लवकर या ना परत माझ्या घरी || ३ ||

सांगतात आहात मोठे तुम्ही देव
आशीर्वादा डोकं पायावर ठेव
कळत नाही त्यांना आपली मैतरी
बाप्पा लवकर या ना परत माझ्या घरी || ४ ||

रंगवून घेतला खास चंदनाचा पाट
नैवेद्याला लखलख अन् चंदेरी ताट
आरास केली रात्र जागून सारी
बाप्पा लवकर या ना परत माझ्या घरी || ५ ||

एकवीस मोदकांची मेजवानी छान
उटणं लावून रोज घालीन स्नान
साती दिवस बसीन तुमच्या शेजारी
बाप्पा लवकर या ना परत माझ्या घरी || ६ ||

ठाऊक तुम्ही राहणार दिवस सात
पुन्हा पाहीन तुमच्या येण्याची वाट
त्या आधी मज्जा करू या सारी
बाप्पा लवकर या ना परत माझ्या घरी || ७ ||