
अजब जंगल
मे 20, 2011
बाप्पांची आरती
सप्टेंबर 7, 2012प्रश्न

सणासुदीचे दिवस म्हणजे घरी देव-देवतांचा उल्लेख होणं ओघानेच आलं. अशा वेळी मोठ्या माणसांना न पडणारे प्रश्न लहान मुलांना साहजिकपणे पडतात. त्यात सुट्ट्या सुरु झाल्या की मग तर प्रश्नांना ऊत येतो. पहा ह्या प्रश्नांची उत्तरं देणं जमतंय का …
मोठी माणसं पहा सारी नुसतीच मारतात गप्पा
प्रश्नांची ह्मा उत्तरं तुम्हीच द्या ना बाप्पा!
आंघोळ सूर्यदेवाला आहे का हो माफ?
पाणी घेतलं अंगावर तर नुसतीच होर्इल वाफ
गणपतीला कळतं कसं पेस्ट घ्यायची किती?
एवढे मोठे दात रोज होत असेल रिती
मला झोपवणं आर्इकरता गोष्ट नाही सोपी
रावण दहा डोक्यांनी कसा जार्इ झोपी?
मारूतीचं तोंड नेहमी हुप्प होतं असं
रागावला तर आर्इला समजत होतं कसं?
शंकराला नाद लागला वाचन करण्याचा
कसा मिळेल चष्मा त्याला तीन डोळ्यांचा?
ब्रह्मदेवास तीन डोकी एक मजला सांग
कसा पाडतो एवढ्या सगळ्या केसांचा तो भांग?
पांडव होते पाच पण कौरव होते शंभर
होती त्यांना नावं का नुसतेच होते नंबर?
दादाला मी विचारण्याचा केला जेव्हा यत्न
म्हणतो मला थांब दाखवतो चौदावं रत्न
तार्इ माझी विसरून गेली मी तर तिचा भाऊ
अंगावरच आली म्हणते डोकं नको खाऊ
आर्इला मी विचारलं तर मला म्हणते लुच्चा
नाक मुरडून माझा मग घेते गालगुच्चा
बाबांना तर प्रश्न ऐकून आला राग फार
मला म्हणाले गप्प बस नाहीतर देतो मार
म्हणून म्हणतो मोठी माणसं नुसतीच मारतात गप्पा
प्रश्नांची ह्मा उत्तरं तुम्हीच द्या ना बाप्पा!