डाॅक्टर मला विचारत होते झालंय तरी काय
कसलं एवढं टेन्शन घेता बी पी झालंय हाय || धॄ ||

काय सांगू त्या दिवशी मी घरी होतो जात
सिग्नलपाशी सुंदर युवती दाखवत होती हात
सोडाल का हो घरी माझ्या उशीर झालाय खूप
प्रश्न ऐकला गाडीमध्ये घेतलं तिजला आत

बोलती बंद झाली माझी मी तर भलताच शाय
देखणं रूप पाहून माझं बी पी झालं हाय || १ ||

काय बोेलू ते समजत नव्हतं माझ्यावर मी कृद्ध
विचार करत होतो एवढ्यात तीच बोलली खुद्द
चक्कर येतेय मला आणखी होर्इल वाटे उलटी
एवढं बोलून माझ्याशी ती झाली की बेशुद्ध

घेऊन गेलो हाॅस्पिटलला होता तोच उपाय
पाहून तिची अवस्था माझं बी पी झालं हाय || २ ||

अभिनंदन ही बनेल आर्इ तीस आठवडे थांबा
ऐकूनी डाॅक्टरचे हे म्हणणे सुटला माझा ताबा
गोंधळलेला मी असताना शुद्धीवर ती आली
दावूनी अंगुली मला म्हणाली तुम्ही मुलाचे बाबा

डाॅक्टर सारे बघती माझे लटपटती अन् पाय
चेहेरे पाहून त्यांचे माझं बी पी झालं हाय || ३ ||

समजावत मी असताना पण आले तेथे पोलीस
भांबावूनी मी गेलो झालो परिस्थितीचा ओलीस
जबाब घेती माझा दरडावुनिया माझ्यावरती
उत्तर नव्हते माझ्यापाशी हडेलहप्पी बोलीस

पाहून एकेकाचे चेहरे झालो गोगलगाय
भविष्य वाटे काळं माझं बी पी झालं हाय || ४ ||

माझ्यावरती केल्या गेल्या मेडिकल टेस्ट्स काही
रिपोर्ट आला पोलीस माझ्याकडे दयेने पाही
दोषी नाही तुम्ही सांगे रिपोर्ट आम्हा पाहा
कधीच तुम्ही पिता कुणाचे होणे शक्य नाही

कानी पडता बोल तयाचे आठवली मज माय
समजून येता शब्द माझं बी पी झालं हाय || ५ ||

सुटलो होतो संकटातुनी गोष्ट होती मोठी
व्यंग आपुले जाणून मात्र ढवळत होते पोटी
ह्मा साऱ्यावर ताण मनाला येता एक विचार
आली कोठून घरात माझ्या दोन मुलं ती छोटी

घामाने मग भिजून गेला शर्ट आणखी टाय
स्मरूनी सारे मित्र माझं बी पी झालं हाय || ६ ||

काय सांगू डाॅक्टर पुसती झालंय तरी काय
कसलं एवढं टेन्शन घेता बी पी झालंय हाय || धॄ ||