तुझा नी माझा मेळ
बालपणीचा खेळ
साखर ते पक्वान्न
कुरमुर्याची अन् भेळ || १ ||
डोळे ते काजळी
गालावरती खळी
हसू तुझे ते ऐसे
जशी उमलते कळी || २ ||
शाळेत असता जात
घालून हाती हात
धाडून देती घरचे
त्या इवल्याशा जगात || ३ ||
रोज रोज भांडणे
चावणे बोचकारणे
वेळ जाताच थोडा
गळ्यात गळे घालणे || ४ ||
सायकल तीन चाकी
बिल्डिंगमागची टाकी
कधी थाटू संसार
कधी बांधलीस राखी || ५ ||
समय थांबला कोठे
थोडे झालो मोठे
मुलीसवे खेळतो
मित्रच चिडवत होते || ६ ||
शाबित करण्या जार्इ
माझी मैत्रीण नाही
तुजला मी दुखविले
बोलून काही बाही || ७ ||
तुला न समजे डाव
बसे जिव्हारी घाव
दिसत तुझ्या नयनांत
होते दुखरे भाव || ८ ||
पालटले मग चित्र
जोडत गेलो मित्र
मिळवित अन् मैत्रीणी
रमलीस तू अन्यत्र || ९ ||