त्याच भिंती त्याच खोल्या
त्याच जागा दिसती डोळ्यां
त्या कपाटामागुती शोधी मी जर लपलीस तू
पण तिथे नसणार तू || १ ||
त्याच खुर्च्या तेच टेबल
पुस्तकांवर तेच लेबल
आर्इही चिडणार नाही पसरल्या जर वस्तू तू
पण तिथे नसणार तू || २ ||
तेच पडवळ अन् रताळी
तीच आठी तुझ्या भाळी
गुळाचा तो खडा देता नक्की बघ हसशील तू
पण तिथे नसणार तू || ३ ||
तीच गादी तेच अंथरूण
तीच उशी अन् तेच पांघरूण
सांगण्या तुज ऊठ जार्इन अजून का निजलीस तू
पण तिथे नसणार तू || ४ ||
त्याच चिंता त्याच शंका
छतावरचा तोच पंखा
उशीर झाला म्हणू मैत्रिण जवळची राहिलीस तू
पण तिथे नसणार तू || ५ ||
2 Comments
सुंदर कविता, उडणाऱ्या प्रत्येक पाखराच्या आई बाबांचे मनोगत व्यक्त केल्याबद्दल धन्यवाद !
मनःपूर्वक धन्यवाद, राजेश…