जन्मदिन असे ब्रह्मांडाचा एक जानेवारी
आणि पुढील घडामोड समजा वर्षात झाली सारी
पहिले आठ महिने सूर्यच अस्तित्वात नव्हता
ऑगस्ट वीस दिवशी आली सूर्याची मग स्वारी || १ ||
एकतीस ऑगस्ट सकाळचे अन् वाजले पावणेअकरा
जन्म पृथ्वीचा झाला सूर्याभोवती मारत चकरा
सोळा सप्टेंबर खदखदू लागली रसायने
जीवनाच्या धुगधुगीला उशीरच झाला खरा || २ ||
झाडं तयार झाली तारीख पाच डिसेंबर
प्राणी तयार झाले तारीख आठ डिसेंबर
सारे होते जगत समुद्राच्या पाण्याखाली
सतरा डिसेंबर उजाडला येण्या जमिनीवर || ३ ||
बावीस डिसेंबर सरपटणारे प्राणी आले
तेवीस तारखेपर्यंत सस्तन प्राणी तयार झाले
पंचवीस तारखेस सुरू झालं डायनॉसॉर्सचं राज्य
तीस तारीख आली डायनॉसॉर्स लयास गेले || ४ ||