व्यसन नावाच्या सापळ्यात मोह
मांसाचा तो तुकडा
सुटणं कठीण असतं जर
पाय पडला वाकडा || १ ||
व्यसन नावाच्या सापळ्यायाचं
मायावी ते रूप
लक्षात येतं तेव्हा उशीर
झाला असतो खूप || २ ||
व्यसन नावाच्या सापळ्याचे
असतात खूप प्रकार
बाहेरख्यालीपणापासून
सिगरेट दारू जुगार || ३ ||
व्यसन असतं झोपण्याचं अन्
व्यसन खात राहण्याचं
व्यसन असतं बोलण्याचं अन्
व्यसन धन कमावण्याचं || ४ ||
व्यसन टीवी बघण्याला
म्हणणार नाही कोण
टीवी बंद झाला तरीही
हाती असतो फोन || ५ ||
व्यसन कॉम्प्युटरचं असलं
तहान नाही भूक
माणसं झाली बेटं
कारण नाती झाली मूक || ६ ||
व्यसन चांगलं कोणतं आणि
कोणतं व्यसन वार्इट
हे ठरवायचे अधिकार बघा
तुम्हा आम्हा नाहीत || ७ ||