दिवसभर असा
सोडला नाही वसा
संध्याकाळ झाली
खाल्लाच सामोसा
डाॅक्टर सांगतात मला
कमी करा वजन
यत्न केले पण
ताब्यात नाही मन || १ ||
एक आज तरी
लवकर ये ना घरी
सकाळी विनवणी
बायको माझी करी
संध्याकाळी प्यायला
बसलो मित्रगण
यत्न केले पण
ताब्यात नाही मन || २ ||
समोरची ती बार्इ
बघतसुद्धा नाही
माझी नजर मात्र
तिथेच सारखी जार्इ
सुंदर माझी पत्नी
जपते तन आणि मन
यत्न केले पण
ताब्यात नाही मन || ३ ||
मुलं गोंडस भारी
भेटतात पण रविवारी
बाकी ती बायकोचीच
सारी जबाबदारी
ऑफिसच्या कामाचं
नेहमीचंच दडपण
यत्न केले पण
ताब्यात नाही मन || ४ ||