विचार करता समजून आला जो दगा झाला
माझ्या भरवशाच्या म्हशीला टोणगा झाला || धृ ||
रोज पाहायची मला
बसस्टॉपवर ती बाला
आज विचारू उद्या
म्हणता उशीर झाला
मला मामा म्हणणारा तिला पोरगा झाला
माझ्या भरवशाच्या म्हशीला टोणगा झाला || १ ||
लग्नाची मज घार्इ
स्थळ पाहाया जार्इ
आवडली जी मजला
ती निघे मुलीची तार्इ
सरता अंतरपाट घसा कोरडा झाला
माझ्या भरवशाच्या म्हशीला टोणगा झाला || २ ||
माझा तो प्रतिस्पर्धी
अक्कल त्याला अर्धी
साहेबाच्या पोरीशी
केली त्याने सलगी
मी करतोय काम साहेबाचा तो सगा झाला
माझ्या भरवशाच्या म्हशीला टोणगा झाला || ३ ||