एके दुणे त्रिक चोक पाचा सक साता
पाढा तिच्या नावाचा मी म्हणतोय येता जाता ॥ धृ ॥
एक दिवस करायचाय गं नक्की तुला फोन
विचाराने कावरेबावरे डोळे माझे दोन
एके दुणे त्रिक चोक पाचा सक साता
आवाज तुझा ऐकल्याशिवाय करमत नाही आता ॥ १ ॥
तीन मैत्रिणी म्हणती भेटला नाहीस दिवस फार
चल पिक्चरला जाऊ म्हणतात मित्र माझे चार
एके दुणे त्रिक चोक पाचा सक साता
आता इतर कोणाच्याच आवडत नाहीत बाता ॥ २ ॥
पाच देव पूजतोय भेट व्हावी म्हणून पाहा
कॉलेजमध्ये वाट पाहातो तुझी तास सहा
एके दुणे त्रिक चोक पाचा सक साता
झालंय काय काळजीत पडले माझे पिता माता ॥ ३ ॥
2 Comments
अप्रतिम लेखन आणि अनेक धन्यवाद
मनःपूर्वक आभार..