माझी पुस्तके

मार्च १८, २०१८

अघटित

'आजची आपल्या आयुष्यात घडणारी प्रत्येक घटना ह्यापूर्वी कधीतरी घडलेली असते. आयुष्य हे रुळावरून धावणाऱ्या आगगाडीप्रमाणे असतं असं गृहीत धरून आपण जगत असतो. आयुष्याला कलाटणी देणारे बदल केवळ इतरांच्या बाबतीत घडतात असा आपला ठाम समज असतो. इतरांकरता आपण ‘इतर’ असतो हे आपण सोयीस्करपणे विसरतो. त्यामुळे एखादी अघटित घटना जेव्हा आपल्या आयुष्यात घडते तेव्हा आपण मुळापासून हादरून जातो. आपल्या बाबतीतही असं घडू शकतं ह्या साक्षात्कारामुळे आपला आयुष्याकडे बघण्याचा दृष्टीकोन पार बदलून जातो...’

‘अघटितप्रकार: लघुकथासंग्रह
स्वरूप: छापील
प्रकाशक: राफ्टर पब्लिकेशन्स
पृष्ठसंख्या: २२८
कमाल किंमत: ₹ २५०/-
फेब्रुवारी १९, २०१८

शिवबा

‘मराठी माणसाचं आद्य दैवत कोणतं?’ असा प्रश्न विचारला तर त्याचं उत्तर खचितच ‘छत्रपती शिवाजी महाराज’ असं मिळेल. बुद्धी आणि धाडस ह्या दोन्ही गुणांचा अतुल्य संगम असलेला हा महापुरुष आपल्या ह्या मराठी मातीत जन्माला आला हे ह्या मातीचं आणि येथील लोकांचं अहोभाग्य. मराठी मातीमध्ये बुद्धी आणि धाडसाची वानवा नाही. परंतु ह्या गुणांना योग्य दिशा देण्याकरता एका द्रष्ट्या नेत्याची गरज असते. सतराव्या शतकात परकीयांच्या टाचेखाली भरडत आपली संस्कृती आपली ओळख विसरत चाललेल्या मराठमोळ्या मातीला ते नेतृत्व शिवरायांनी दिलं. ह्या उत्तुंग व्यक्तिमत्वाची जयंती १९ फेब्रुवारी रोजी येत आहे. त्यानिमित्ताने ह्या महापुरुषाला आदरांजली वाहण्याचा हा नम्र प्रयत्न.

नोंद: मुखपृष्ठावर स्वतः पेन्सिलीने चितारलेलं महाराजांचं रेखाचित्र वापरू दिल्याबद्दल मंजुषा अकलूजकर ह्यांचे मनःपूर्वक आभार.

‘शिवबाप्रकार: काव्यकादंबरी (ऐतिहासिक)
स्वरूप: ई-पुस्तक
प्रकाशक: नवनिर्मिती.इन
पृष्ठसंख्या: ८८
कमाल किंमत: ₹ ७५/-
सप्टेंबर २९, २०१४

अतर्क्य

'मानवी मनाची खोली अजून विज्ञानालाही मोजता आलेली नाही. समाजात वावरताना कसं वागावं एवढंच नव्हे तर कसा विचार करावा ह्याचंही साचेबद्ध प्रशिक्षण आपल्याला लहानपणापासून मिळालेलं असतं. आपल्या मनाला मात्र ही बंधनं मान्य नसतात. सामाजिकच काय पण भौतिकशास्त्राचे नियमही मन मानत नाही. कधी कधी स्वप्नांमध्ये दिसणारे अशक्य कोटीतील खेळ मन उघड्या डोळ्यांसमोर मांडू लागतं. आणि मग 'अतर्क्य' वाटणाऱ्या घटनाही तर्कसंगत भासू लागतात ... '

‘अतर्क्यप्रकार: लघुकथासंग्रह
स्वरूप: छापील, ई-पुस्तक, Kindle Edition
प्रकाशक: राफ्टर पब्लिकेशन्स
पृष्ठसंख्या: २०४
कमाल किंमत: ₹ २००/-
नोव्हेंबर १८, २०१२

महायुद्ध

‘दोन सह्स्रकांहून अधिक काळापूर्वी लिहिलेल्या महाभारत ह्या ग्रंथाने भारतीय जनमानस घडवलेलं आहे असं म्हटलं तर ती अतिशयोक्ती ठरू नये. अगदी शालेय जीवन सुरु होण्यापूर्वी आपल्या घरच्यांनी सांगितलेल्या कथांद्वारे आपल्यासमोर महाभारतातील श्रीकृष्ण, भीष्म, अर्जुन, युधिष्ठीर आदींचे आदर्श उभे राहतात. आणि ह्या आपल्या सर्व सुपरिचित महानायकांच्या जीवनाची फलश्रुती म्हणजे हे महायुद्ध. ह्या महायुद्धाचा एक काव्यमय मागोवा घेण्याचा हा प्रयत्न ...’

‘महायुद्धप्रकार: काव्यकादंबरी (पौराणिक)
स्वरूप: ई-पुस्तक
प्रकाशक: नवनिर्मिती.इन
पृष्ठसंख्या: १७५
कमाल किंमत: ₹ ९९/-
डिसेंबर २९, २०१०
मुक्त - सामाजिक कादंबरी

मुक्त

‘... आणि मग चाळीशी जवळ आलेल्या ह्या ‘नवीन’ पिढीला जेव्हा स्थैर्याची गरज भासू लागते तेव्हा त्यांचे पगार इतके वाढलेले असतात की संस्थेकरता ते फार महागडे झालेले असतात. इतर संस्थाही त्यांना एवढा पगार देऊ शकत नाहीत. अवास्तव पगारामुळे महागड्या सवयी लागलेल्या असतात. मोठी वाहनं, वाहनचालक, विमानप्रवास, परदेशी सहली, मोठमोठ्या क्लब्समध्ये सभासदत्व, महागड्या शाळा, कपडे, दागिने, घरं. मन आणि शरीर तडजोडीला तयार नसतं. स्वतःच्या अहंभावाशी तडजोड केली तरी घरच्यांच्या अपेक्षांचं ओझं उतरवता येत नाही. आणि मग सुरु होते एक जीवघेणी धडपड ...’

‘मुक्तप्रकार: कादंबरी (सामाजिक)
स्वरूप: ई-पुस्तक
प्रकाशक: नवनिर्मिती.इन
पृष्ठसंख्या: २६५
कमाल किंमत: ₹ १५०/-