नोकरीत दिवस पहिला
उशीर नको सहीला
वेळ पाळणं जमलं
स्वतंत्र माझी जागा
घोड्याची जणू पागा
कामही सुरु झालं || १ ||
आजूबाजूस बघता
वेळ कुणाला नव्हता
सर्वच ते सिनिअर
मग्न आपल्या विचारी
सुखी आणि संसारी
मीच एक बॅचलर || २ ||
दिसली कोपऱ्यात दूर
आपल्याच कामात चूर
पहिल्यांदा ती मला
कोणाच्या ना अध्यात
आणि नाही मध्यात
म्हटलं बोलू चला || ३ ||
वाजला होतं दीड
चेपल्यावरती भीड
काढला माझा डबा
तिला विचारल्यावरती
मला म्हणाली ती
बस की रे बाबा || ४ ||
चेहेरा होतं साधा
परंतु सुडौल बांधा
चष्मा लावे मोठा
लावे ना पावडर
गोऱ्या चेहेऱ्यावर
लाली नव्हती ओठा || ५ ||
काही मग दिवसांत
मैत्री होई आमच्यांत
एक वाटे नवल
राखुनिया अंतर
तिच्याहून इतर
टाळत तिला सरळ || ६ ||
अखेर न राहवून
टाकलं मी विचारून
सोडे ती सुस्कारा
मोठी ती गोष्ट
सांगणे तुज इष्ट
प्रकार काय तो सारा || ७ ||